Gwybodaeth a chanllawiau
PEIDIWCH Â GADAEL I LADRON DDWYN EICH SEDDI YN YSTAFELL Y BWRDD!
Mae rhwng 50 - 100 o achosion o Dwyll Hunaniaeth Gorfforaethol yn digwydd bob mis.
Dyma rai o’r mesurau rhagofalon y dylech eu cymryd i fynd i’r afael â Thwyll Hunaniaeth Gorfforaethol, a dyma ein Cynllun 3 Pwynt ni i’ch helpu chi:
1. Monitor
Mae’r gwasanaeth Monitor yn eich galluogi i gadw golwg ar eich cystadleuwyr, eich cydweithwyr busnes a’ch cwmni eich hun, a ‘monitro’ pa ddogfenni sydd wedi’u ffeilio yn Nhŷ’r Cwmnïau. Fe wyddoch bod rhywfaint o wybodaeth am eich cwmni yn wybodaeth gyhoeddus, felly beth allai fod yn fwy effeithlon na bod gwybodaeth a allai helpu neu ddiogelu eich busnes ar gael i chi o’r eiliad y caiff ei ffeilio?Am wybodaeth bellach ynghylch Monitor, cliciwch yma (Saesneg yn unig)
2. Gwasanaeth WebFiling
Mae defnyddio’n gwasanaeth WebFiling, sef ein gwasanaeth ffeilio ar-lein, yn ffordd llawer mwy diogel o anfon gwybodaeth statudol atom na defnyddio ffurflenni papur a anfonir drwy’r post. Mae angen i chi gofrestru ar gyfer cael cod diogelwch (a anfonir drwy’r e-bost) a chod dilysu (a anfonir drwy’r post i’ch swyddfa gofrestredig) ac yna gellwch anfon llawer o’r wybodaeth am eich cwmni atom yn electronaidd. Hefyd mae’n 50% yn rhatach i ffeilio’ch ffurflen blynyddol ar-lein.Am wybodaeth bellach ynghylch WebFiling, cliciwch yma
3. System PROOF
Unwaith y byddwch wedi derbyn eich cod dilysu i ffeilio ar-lein, gellwch gofrestru ar system PROOF, ein gwasanaeth newydd o Ffeilio Ar-lein wedi’i Ddiogelu (PROtected Online Filing), a ddyluniwyd i gael gwared ar mwy fyth o dwyll hunaniaeth. Wedi hynny byddwn ond yn derbyn ffurflenni sy’n ymwneud â newid cyfeiriad a manylion am gyfarwyddwyr oddi wrthych yn electronaidd. Ni fyddwn yn derbyn unrhyw un o’r rhain oddi wrthych ar bapur oni bai eich bod chi’n awdurdodi hynny.
FAQs |
Yn ôlBrigArgraffu'r tudalenTudalen e-bostMap o'r wefan
Canolfan Cysylltu: +44 (0)303 1234 500 
Ebost: 
